Per mesuesin e shkolles se Pare Shqipe te fshatit Micoj, Shaban Rexhe Ahmeti

Milazim Cufaj 

Se pari falenderoj z.Idriz Ahmetaj per botimin e librit “Njeriu i puneve te mira”. Ne emrin tim dhe te shume bashkefshatareve te mi, qe e kane njohur Shaban Ahmetin, me lejoni te falenderoj familjaret e tij dhe pjesemarresit ne kete takim.

Me Shaban Ahmetin kam pasur lidhje familjare e per kete arste kam shkruar ato qe ai thoshte per hapjen e shkolles se pare shqipe ne fshatin Micoj.

Fjala e tij ishte e urte, e qete, e mençur dhe e argumentuar.

Rreth 90 vjet me pare imam i Xhamise se Micoj erdhi Shaban R.Ahmeti, i cili mesimet e para i mbaroi me rezultate shume te mira ne Kabash me imamin e mesuesin e pare nga Lipjani i Kosoves Sadik Prishtina.

Ai e nxiti te mesoje, te shkruaj e te lexoje mire gjuhen shqipe dhe nguliti tek Shabani dashurine per Atedheun.

Ne vitin 1924 Shabani ne bashkepunim me Pleqein e fshatit Micoj, i propozoan Inspektoriatit te Arsimit te Prefektures Shkoder per hapjen e shkolles fillore te fshatit Micoj dhe per mesues propozuan Shaban Rexhen, si njohes i mire i gjuhes shqipe dhe si figure e paster dhe e respektuar nga te gjithe.

Ministri Hile Mosi, nje patriot i kohes, vendosi hapjen e shkolles dhe keshtu ne vitin 1925-1926 fillon per here te pare viti mesimor.

Meqenese mundesite financiare ishin te kufizuara, fillimisht Shabani punoi pa pagese dhe per nje kohe te shkurter vijuan me klasen e pare me 22 nxenes dhe 4 prej tyre ishin vajza.

Kjo ngjarje e rendesishme nuk eshte pasqyruar per mungese te dokumenteve, perjashto gojedhenat e nxenesve te Shabanit dhe nje deftese e ruajtur me kujdes nga nxenesi i tij Hysen Bajram Hyseni i cili ka ardhur deri ne ditet tona dhe te cilen e kemi ruajtur, bashkuar me dokumentet qe gjenden ne dosjen e mesus Shabanit ne muzeun e shkolles Micoj, i ngritur ne 75 vjetorin e saj.

Ne historin e Arsimit te rrethit eshte shkruar vetem per vitin shkollor 1935-1936, por asgje per vitin shkollor 1925-1926 dhe kjo shmangie eshte bere per munese duke e quajtur shkollen fetare meqenese mesuesi u jepte nxenesve njohurite kryesore te Kur’anit dhe te shkruarit arab.

Mesues dhe intelektual te fshatit Micoj, per te pasqyruar hapjen e shkolles se pare shqipe dhe zhvillimin e arsimit, u angazhuan ne studime, grumbullime e te dhena gojore, dokumente doreshkrime deri ne ditet tona.

E gjithe kjo pune u kurorezua me sukses me ndertimin e muzeut te shkolles, i veçante ne rrethin e Pukes, i cili eshte vlersuar nga vizitoret e shumte.

Ketu u ekspozuan te gjitha dokumentet qe vertetojne hapjen e shkolles se pare shqipe ne fshatin Micoj me mesues Shaban R. Ahmeti.

Dokumente te rendesishme solli studiuesi Muharrem Neziri per fshatin Micoj, per shkollen e pare shqipe te fshatit Micoj dhe per historine e arsimit te Pukes.

Ne shkresen e dates 30.10.1928, firmosur nga Sekretari i Nenprefektures Ouke dergohen betimet e nenpunesve te kesaj Nenprefekture emer per emer duke cilesuar edhe kesh nuk eshte prezent.

Midis tyre jane Sadik Prishtina mesues ne Kabash dhe Shaban Rexha mesues ne Micoj.

Betimet kane tekst te njejte, ne krye shenohet emri i nenpunesit dhe ne fund emer, detyre dhe firma.

Ketu po ju paraesim te shkruar betimin e mesuesit Shaban R.Ahemti ku cilesoheet mesunes ne Micoj:

Betim

“Betohem ne emer te Perendise e nderin time se kam me qene besnik i Nalt Madherise Mbreti I Shqiptareve, Zotu i Pare dhe se kam me i sherbye Atdheut tem, Shqiperise dhe besnikeri e ndergjegje te paster tue veprue simbas statutit simbas ligjeve e rregullave qe jene ne fuqi ne Mbreterin Shqiptare tue e kryem detyren qe me asht ngarkue me zelle e disipline.”

Mesuesi i shkolles Micoj

Shaban Rexha, firma

Dosje nr. 14. Viti: 1928.

Dokument tjeter eshte lista e personelit te shkollave te Nenprefektures per vitin shkollore 1930-1931. Ne listen e shkollave, krahes shkollave Puke, Kabash, Malzi, Iballe e Qerret, eshte edhe shkolla e fshatit Micoj me mesues Shaban R. Ahmeti.

Gjithashtu, nje raport per gjendjen e ndertesave, mermetimin, detyrat e ngarkuara per fshatin e mesuesin e shkolles vertetojne se kjo shkolle ka funksionuar rregullisht.

Autori i librit Idriz Ahmetaj, me te drejte e ka titulluar “Njeriu i puneve te mira”, por banoret e fshatit Micoj, nxenesit e bashkekohesit e tij e kane vlersuar si “Njeriu i fjaleve te mira” e prej ketu vijon edhe suksesi i punes se tij.

Ne çdo shtepi Shabani i kishte dyert e hapura per kohen qe sherbeu e jetoi ne Micoj, por edhe vitet kur u largua nga administrata shteterore e kane pritur e percjelle me dashuri.

Baze e punes se tij kane qene aftesite, menyra e komunikimit me njerizit, respketi qe ai gezonte, lidhjet shoqerore e miqesore qe mundesuan realizimin e detyrave per arsimin e nxenesve, kapercimin e veshtiresive ne punen e tij, per librat e bazen materiale per zhvillimin e mesimit, per sigurimin e numrit te nxenesve e veçanerisht te vajzave ne kushtet e renda ekonomiko-shoqerore dhe fanatizmit qe ekzistonte ne çdo skaj te vendit tone.

Ne shkollen qe drejtonte Shaban R.Ahmeti erdhen per te mesuar nxenes nga fshati Fush-arrez, Hadroj dhe nga Puka. Ne deftesen e leshuar nga Shaban Rexha lexojme lendet qe zhvilloheshin, si te besimit fetar, shkrim, kendim, ushtrime, gramatikore, aritmetike, histori, dituri natyre etj.

Shabani isht kembengules qe nxenesit te pervetesonin programin mesimor dhe te arrinin rezultate te larta ne mesime, te shkruanin bukur dhe te integroheshin ne jete.

Shume nxenes si Hysen Bajram Hyseni qe ka punuar ne administraten e Zogut, edhe pas çlirimit, ne Komitetin Ekzekutiv te rrethit.

Arif Islam Cufaj deri sa ka dale ne pension ka punuar ne administraten shteterore. Sadik Morinaj (Zeze Puke), pasi mbaroi shkollen ne Micoj, ka vazhduar gjimnazin ne Shkoder, ka punuar ne Mallakaster, Petrele te Tiranes, Tropoje e Iballe me detyra te rendesishme ne administraten e asaj kohe.

Po eshtu Rame Isuf (Qarri) nga Puke, Rrust Rexhep Selimaj nga Fush-arrezi etj. Karakteristike e tyre ka qene shkrimi i bukur si mesuesi i tyre.

Puna e mesuesit Shaban R.Ahmeti eshte vleresuar nga mesues e intelektuale te fshatit, nxenes e bashkekohes te vendlindjes qe sot gjenden ne dokumentet e muzeut te shkolles Micoj.

Per mesuesin e pare jane thurur edhe vargje, qe jane interpetuar shume mire nga nxenesit e shkolles se fshatit Micoj.

Nga ana jone eshte propozuar qe te vleresohet e dekorohet nga institucionet perkatese per punen e vyer qe ka kryer ne fshatin tone.

Micoji, vertet eshte nje fshat i vogel, por u perkujdes dhe mesoi te perqfojne diturine qe heret, djem e vajza duke e radhitur kete fshat ne qendrat e perparauara qe njihen per hapjen e shkollave shqipe.

Imazhi i kesaj shkolle eshte rritur deri ne ditet tona, duke i dhene rrethit dhe vendit tone intelektuale e specialiste te zote qe japin kontribute te rendesishme ne zhvillimin e vendit.

Duke perfunduar me lejoni te them se ne i jemi mirenjohes Shaban Rexhe Ahmetit per kontributin e çmuar qe ka dhene per shkollen e fshatit Micoj.

Faleminderit

Pergatiti: Milazim Cufaj

27 nentor 2013

Shaban Rexha, mesuesi shembullor i Mejtepeve te Pukes

      

      Bismilahir Rahmanir Rahim

      Ne emerin e Allahut, Meshiruesit Meshireberesit

Fort te nderuar antare te familjes se imam Shaban Rexhe Ahmetit!
Fort i nderuar autor i librit “Shaban Rexhe, Njeriu i puneve te mira” Idriz Ahmeti!
Te nderuar te pranishem!

Eshte nder dhe kenaqesi per mu ate ndodhem sot ne kete aktivitet kaq te rendesishem jo vetem per familjen e imam Shaban Hoxhes, por edhe per Myftinine e rrethit te Pukes.

Fshati Lajthize, eshte nje fshat me tradita islame. Kjo e ndikuar edhe per shkak te afersise qe ky fshat ka me qytetin e Pukes dhe ne veçanti me xhamin e Koderhanit Puke. Ne kete fshat kaq te vogel lindi imami i njohur Shaban Hoxha. Qe i vogel kishte vene ne dukje aftesite e tij te nje teologu mysliman dhe jo vetem. Kjo deshire u be edhe me e madhe kur ne moshen 8 vjeçare sebashku me babain e tij merrnin pjese ne faljen e Teravive, Bajrameve ne xhamin e Koderhanit Puke. Aty mesoi mbi Mejtepin e Pukes dhe mesimet qe jepeshin ne kete mejtep. Nuk kalon shume kohe dhe imam Shaban Hoxha regjistrohet ne Mejtepin e Kabashit per te perfunduar me sukses kete shkolle islame.

Shaban Rexha me aftesit e tij u be i njohur jo vetem ne fshatin Kabash, por ne gjithe rrethin e Pukes. Fillimisht ai filloj te bente detyren e myezinit ne xhamine e fshatit Kabash, dhe per te vazhduar si imam i namazeve te xhumave ne kete xhami. Gjate kohes qe ishte nxenes i Mejtepit u gjet prane Imam Sadik Prishtina. Ishte pikerisht imam Sadik Prishtina qe e formoj si teolog islam imam Shaban Rexhen si dhe imam Sahit Hoxha.

Gjate kohes qe ishte nxenes imam Shaban Rexha sebashku edhe me Sahit Hoxhen kan marr pjese ne disa aktivitete islame siç ishin: Nentet e medha, Mevlude, Teravih dhe Bajrame.

Gjate kohes kur Shaban Rexha ishte vetem 15 vjeç arrinte te kryente me sukses detyren e myezinit, e me vone detyren e imamit. Ai ishte i perfshire edhe ne korin e ilahive te Mejtepit te Kabashit dhe te Pukes. Kori i ilahive ishte i njohur sidomos ne rastet e Mevludeve dhe gjate muajit Ramazan dhe festave te Bajramit, ku hoxhe Sadik Prishtina i shoqeruar nga Shaban Rexha dhe Sait Hoxha dhe nxenes te tjere, shkonin neper shtepiat myslimane dhe kendonin mevlude, Kur’an, salavate dhe ilahi. Shaban Hoxha njihet edhe si personi qe ndihmonte pukjanet te arsimoheshin me arsimin islam dhe gjuhe shqipe. Nuk kan qene te pakta rastet ku pukjanet shkonin tek Shaban Hoxha per te perpliuar shkresa dhe telegrame. Per imam Shaban Hoxhen thonin:
“Mendia e tij me ndriçim,
dora e tij me bukurshkrim“

Shabani dhe Sait Hoxha ishin sinkron e njerit-tjetrin ne momentet qe kendonin Kur’an dhe ilahi aq sa i benin edhe burrat e tjere te kendonin salavate dhe ilahi. Kishte raste qe keto salavate dhe ilahi kendoheshin te shoqeruara edhe me çifteli dhe fyll.

Sot ne 112 vjetorin e lindjes se imam Shaban Rexhes perkujtojme punen e tij. Shaban Rexha dha kontribut ne forcimin e Mejtepeve si: Mejtepi Micoj, Puke, Qerret, Iballe duke marr dhene mesime islame por edhe shkrim e kendim i gjuhes shqipe. Shaban Rexha njihet si hoxha qe dha kontribut te larte ne formimin e shkollave shqipe si ne Kabash, Micoj, Puke dhe Qerret.
Shembulli i ketij hoxhe eshte shembull udherefyes dhe tregues i vlerave qe mbartin teologet mysliman te rrethtite te Pukes dhe jo vetem.

Ne emrin tim personal, por edhe te Myftinise se rrethit Puke shpreh mirnjohjen me te thelle per imam Shaban Rexhe Ahmetin, familjen e tij per vlerat dhe kontributet e dhena per perhapjen e fese islame ne rrethin e Pukes si dhe ne forcimin e Mejtepeve te rrethit te Pukes. Po ashtu vlersim dhe mirenjohje edhe per autorin e librit “Shaban Rexhe Ahmeti, Njeriu i Puneve te Mira” Idriz Ahmeti i cili me perkushtim solli prane lexuesve pukjane kete liber kaq me vlera per nje figure kaq te ndritur islame per rrethin e Pukes.

Gezim Kopani

Puke me 27 nentor 2013

marr nga: https://gezimkopani.blogspot.com/2013/11/shaban-rexha-mesuesi-shembullor-i.html

U promovua libri “Shaban Rexhe Ahmeti, Njeriu i Puneve te Mira”

 
Me rastin e 112 vjetorit të lindjes së  imam Shaban Rexhë Ahemti u zhvillua promovimi i librit “Shaban Rexhë Ahmeti, Njeriu i punëve të mira” me autor Idriz Ahmeti.

Aktiviteti u hap nga autori i librit Idriz Ahmeti dhe për të vazhduar me kumtesen: “Roli i fesë dhe i klerit për përhapjen e arsimit dhe shkollës shqipe në krahinen e Pukës” mbajtur nga Denisa Meçi.

Më pas antari i Këshillit të Myftinisë së rrethit Pukë njëherazi Sekretar i Këshillit të Bashkisë Pukë Ylli Hadroj mbajti kumtesen me temë: “Shaban Rexhë Ahmeti, 25 vjet imam i xhamive Micoj e Lajthizë.”  Ai ndër të tjera tha: “Tek imam Shaban Rexha shohim imamin dhe mësuesin e përkushtuar i cili përdorte metoda mësimdhënie duke argumentuar përrparësit e tyre.”

Më pas specialisti i historisë Milazim Cufaj mbajti një referat në respekt të mësuesit të parë të fshatit Micoj Imam Shaban Rexha. Cufaj ndër të tjera tha: “Falenderoj Idriz Ahmetaj për botimin e librit “Shaban Rexhë Ahmeti, Njeriu i punëve të mira”. Me Shaban Hoxhën kam pasur lidhje familjrare e për këtë arsye kam shkruar ato që ai thoshte për hapjen e shkollës së parë shqipe në fshatin Micoj. Fjala e tij ishte e urte, e qetë, e mençur dhe e argumentuar. Ai nxiti të mësohej e të shkruhej mirë gjuha shqipe. Autori Idriz Ahmeti, me të drejtë e ka titulluar “Njeriu i punëve të mira”, por banorët e fshatit Micoj, nxënësit e bashkëkohësit e tij e kanë vlersuar si “Njeriu i fjalëve të mira” e prej këtu vijon edhe suksesi i punës së tij.”
Më pas Adriana Asllanaj (mbes e Shaban Hoxhes) mbajti kumtesen “Homazh për njeriun tonë të dashur Shaban Rexha” Asllanaj tha: “Fëmijeria e Shabanit ka qenë e vështirë e plot peripeci, ashtu si e shume moshatarëve të tij. Ndërsa ishin të varfer për nga pasuria, nga zemra ishin shumë të pasur. Shabani, ndonëse i ri nga mosha, karakterizohej nga mendime të pjekura e përparimtare. Ai dallohej midis shokëve si nxënes i mirë dhe i vullnetshem, pavarësisht nga vështirsit që përballonte. Ai zotëronte mirë gjuhet turqisht dhe arabisht, që ishte një luks i madh për kohen. Meritë të veçantë ka Shabani për hapjen e shkollës shqipe në fshatin Micoj, meritë që nuk iu njoh sa ishte gjallë.”

Aktivitetin e përshendeti edhe Myftiu i Pukes imam Gezim Kopani i cili ndër të tjera tha: “Ishte puna dhe kultura e imam Shaban Rexhës që të bëhët i njohur, jo vetem në Lajthizë e Kabash, por në gjithë rrethin e Pukës. Ishte vetem 15 vjeç kur kreu detyren si myezin i fshatit Kabash dhe për të vazhduar më vonë, për 25 vjet imam në xhamitë e fshatit Micoj dhe Lajthizë. Më aftsitë prej një teologu islam, ai dha mësime islame nepër Mejtepet e Pukës. Përveç diturisë islame, ai kishte aftësi edhe për mësime tëtjera si, shkrim e këndim shqip, gjeografi etj. Këto dituri bëri që imam Shaban Rexha me mbeshtetjen e Pleqësisë sëfshatit Micoj më 1924 të hap shkollën e parë shqipe në fshatin Micoj.”

Më pas Myftiu i Pukës Gezim Kopani i dorzon familjës Çertifikatën e Mirënjohjës (pas vdekjes) për Imam Shaban Rexhë Ahmeti.

“Komuniteti Mysliman i Shqipërisë, Myftinia e rrethit Pukë, Çertifikatë Mirënjohje i jepet Shaban Rexhë Ahmeti (pas vdekjes) me motivacion: “Për kontributin e dhënë në përhapjen e fesë islame në rrethin e Pukës, si dhe për kontributin e dhënë në forcimin e Mejtepeve të ketij rrethi.” (Myftinia e rrethit Pukë, Myftiu Gezim Kopani, Pukë më 27 nëntor 2013)

Nëe emër të familjes foli djali më i madh Muhamet Duli si dhe vajza Sabrie Lahi. Ata ndër të tjera thanë: “Së pari falenderojmë autorin Idriz Ahmetin, Myftininë e rrethit Pukë dhe Myftiun Gezim Kopani dhe të gjithë ata që kontribuan  në botimin e këtij libri kushtuar babait tonë. Ky liber është i rëndësishem për familjen tonë dhe për gjithë fshatin Lajthizë. Jemi krenarë për babain tonë i cili na edukoi dhe na mësoi me kulturen më të lartë. Puna e tij e mirë, ka bërë që emri i babait tonë të kujtohet sot pas 112 vitesh.”

Në mbyllje të aktivitetit autori i librit Idriz Ahmeti falendëroi mësuesin Dashamir Sokoli, Myftininë e rrethit të Pukës tëcilet ndihmuan në botimin e librit “Shaban Rexhë Ahmeti, Njëriu i punëve të mira.”

Për të pranishmit u shpërnda libri “Shaban Rexhë Ahmeti, Njëriu i punëve të mira” si dhe u shtrua një koktëj nga familjarët e imam Shaban Rexhës.

/Myftinia Puke/